ඉන්ද්‍රජාල -
ඉතින් පැමිණීම තහනම්ය

නොහොබිනා කතන්දර ගෙන
සෙප්පඩ විජ්ජාම පෙන්වන
කෝලම් රූප තිර වෙත

අබුද්දස්සෙට පස්සේ 
රූප කෝලම් වැස්සේ
කප්පරක් මද කිපුනු ටෙලි මල්
පුෂ්පිතය මේ උයනේ

කුර ගෙවුනු ටොරින්ටන් බසයක
කැසට්ටුවෙ ගෝරනාඩුවට
ඉරි තැලී කකියයි හදවත
කැඩී ඇන්ටනා චැනලය

ගින්දර ගලනවා වගෙයි රෑට
අටහමාරේ බෙල්ටුවට
කොමඩි නැටුමකි අගේ
බෙරේ පළුවද නැතුව

ඉන්ද්‍රජාලක ගැබින්
චන්ද්‍රයා බිමට බැස
හඩා වැටෙනවා තනිවම
ටොරින්ටන් උකුල මත

සුදත් දේවප්‍රිය