එලි දක්නට පොරකන මගේ කවි පොතේ කවියක් -
බැස බසයෙන් හනික
එනවිට උපන් ගමට
ගිනිගෙන දැවෙයි ගං දොර
ටයර් සෑ පෙනෙයි හැමතැන
එනවිට උපන් ගමට
ගිනිගෙන දැවෙයි ගං දොර
ටයර් සෑ පෙනෙයි හැමතැන
කැළෑ පාළුව පසුකර
සොල්දාදුවෝ පාබල
පීරති මහා මූකලානම
එලා ගන්නට සතෙක් නැතිවද
සොල්දාදුවෝ පාබල
පීරති මහා මූකලානම
එලා ගන්නට සතෙක් නැතිවද
කොග්ගල දිය රැලි මුවග
හාදුදී පාවෙන මිනී නළලත
ඇසැර බැලුවා අමාවක සද
ඉවුර මත එයි යකඩ වාහන
හාදුදී පාවෙන මිනී නළලත
ඇසැර බැලුවා අමාවක සද
ඉවුර මත එයි යකඩ වාහන
තොටුපල ලග ඔරු කබල
ඉකිබිදී තනිව රහසින
තොටිය නුබ කොහි ගියෙද
හඩයි කොග්ගල කිරලාන
ඉකිබිදී තනිව රහසින
තොටිය නුබ කොහි ගියෙද
හඩයි කොග්ගල කිරලාන
කෑ කෝ ගසා නඩුවට
විරසක වී ඉඩමට
ජූදස් නෑසියෝ එකතුව
පාවා දුනි තම උන්ම කුරුසෙට
විරසක වී ඉඩමට
ජූදස් නෑසියෝ එකතුව
පාවා දුනි තම උන්ම කුරුසෙට
ඔව් සර් ඇත්තයි
ඕකා නං සහතිකයි
උන් පන්ති තිබ්බා
අපේ ගං පන්සලේ
ආන් අර ගල්කුලේ
ඕකා නං සහතිකයි
උන් පන්ති තිබ්බා
අපේ ගං පන්සලේ
ආන් අර ගල්කුලේ
තබා උන් පේලියෙන්
සෙබල ඇස් මායිමෙන්
ගෝනිබිලි වේශයෙන්
ග්‍රාම පෝතක සීරුවෙන්
සෙබල ඇස් මායිමෙන්
ගෝනිබිලි වේශයෙන්
ග්‍රාම පෝතක සීරුවෙන්
වැනී හිස හෙමිහිට
පැටවූ යනෙනා විට
විරිත්තා අවි කට
පිබී ගිනි එකවිට - -
පැටවූ යනෙනා විට
විරිත්තා අවි කට
පිබී ගිනි එකවිට - -
වාවා ගත නොහැකිව
හැරුනේය අරවින්ද
අහෝ මේ මා උපන් ගමද
හැරුනේය අරවින්ද
අහෝ මේ මා උපන් ගමද
සුදත් දේව
No comments:
Post a Comment